დავით ჩიჩუა განათლებით ბიოქიმიკოსია და 20 წელზე დიდხანს მუშაობს მეღვინეობის სფეროში. უნივერსიტეტის დამთავრების შემდეგ და ასპირანტურაში სწავლის პერიოდში იგი მუშაობდა Tiflis Wine Cellar-ის ლაბორატორიაში. გაიზენჰაიმის უნივერსიტეტის თანამშრომლობის პროგრამაში მონაწილეობის შემდეგ ის ხელმძღვანელობდა და ორგანიზებას უწევდა სამუშაოს ვაზი+-ის, ვაზიანის ლაბორატორიებში, ასევე იყო მთავარი მეღვინე ხარებაში, ქინძმარაულის კორპორაციაში,  ვაზი+-სა  და  ბესინში.

მას აქვს დიდი პრაქტიკული გამოცდილება, ასევე ასწავლის „მეღვინეობის ტექნოლოგიასა და ქიმიას“ თელავისა და საქართველოს აგრარულ უნივერსიტეტებში. უძველესი, ძირძველი ვაზის ჯიშების ძიების წყურვილმა მიიყვანა იგი ჯიღაურის სოფლის მეურნეობის კვლევით ცენტრში, თუმცა პედაგოგიური მოღვაწეობა არ მიუტოვებია.

თითქმის დაკარგული ვაზის ჯიშებზე ჩატარებულმა ექსპერიმენტებმა და მეღვინეობის საუკეთესო ტექნოლოგიების ძიებამ შესაძლებელი გახადა ღვინის „39 ქვევრის“ შექმნა.

        
მეღვინე და მევენახე – ცოტას თუ შეუძლია ამ ორი საქმიანობის გაერთიანება, მაგრამ დავითს ეს შეუძლია და საუკეთესო ღვინოები კიდევ წინ გვაქვს.